كرسـى الاعتــــراف

منذ عدة أيام مضت بدأ يتجول بالمدونات الالكترونية (كرسي الاعتراف) حتى وصل إلى هنا عن طريق أخي العزيز وأختي الغالية وهم هيئة المحكمة الموقرة (ابو مجاهد الرنتيسي وأحلام الرنتيسي) وطلبا منى أن أجلس أمامهم على كرسي الإعتراف لكي تقاضيني هيئة المحكمة الموقرة على إعترافاتي فها أنا هنا امثُل امام هيئه المحكمة الموقرة على كرسي الاعتراف لادلى لهم وللساده المستشارين بلائحة اعترافاتي .

سيدي القاضي حضرات المستشارين

تحيه طيبه وبعد ...،،،

سيدي إني اقر وأعترف ....

1- أعترف إني مدمنه جدا" جدا" كابتشينوا من البيعمل شنبه هههههه (على رأى أحمد حلمي)
2- أعترف إني بحب الهزار  والضحك مش بحب اجلس فى جو جاد جدا" هذا طبعا ماعدا الجلسات الدينيه مافيش فيها كلام
3- أعترف إني دقيقه جدا" وقويه الملاحظة وبهتم كثير بالتفاصيل ومحبكاها شويه لدرجه تخنق
4- أعترف إني بحب التغير مقدرش اقعد فى قالب واحد فتره طويله اكتئب بسرعه
5- أعترف إني بالى طويل جدا" جدا" بس عند لحظه معينه بعد الصبر الطويل ممكن ينفجر بركان مدمر
6- أعترف إني لما بكون فرحانه بدخل المطبخ بعمل اي حاجه حلوه

7- أعترف إني لما بكون زهقانه بدخل برده المطبخ ببوظ اي حاجه بعملها

8- أعترف إني أدبت نفسي بنفسي فى أشياء كثير

9- أعترف إني  عنيده جدا" وخصوصا" فى الحق ومش بسيب حقي ابدا"

10- أعترف إني  بحب الموضة فى العبيان السوداء

11- أعترف إني  بحب الأطفال جدا" بس مش اي أطفال الأذكياء والمهندمين
12- أعترف إني  بحب الشيخ محمد متولي الشعراوي جدا" ومستمعه جيده لكل أحاديثه
13- أعترف إني  بحب اعرف اي حاجه جديده او بالنسبه ليه جديده ومش عرفاها بحاول اعرفها
14- أعترف إني  بخلي سؤالي عن الشئ الذى لم اعلمه أخر حاجه بعد عدة محاولات منى لمعرفته
15- أعترف إني  بحب اتفرج دايما" على القنوات الدينة وقناة الاهلي الرياضية
16- أعترف إني  محافظه على قراءة القرآن يوميا" منذ فتره طويله والحمد لله
17- أعترف إني  مقصره فى القرائه المعرفية مش مواظبه عليها بقرأ لاكن على فترات متقطعه
18- أعترف إني  حساسه جدا"  وبزعل من اقل كلمه او تصرف وبيكون ردى الصمت مصاحبته الدموع
19-  أعترف إني  بزعل بسرعه وبنسي الزعل  بسرعه
20- أعترف إني  قويه جدا" جدا" وبعشر رجاله فى غياب زوجي
21- أعترف إني  ضعيفه جدا" جدا" ومعرفش اعمل حاجه لوحدي فى وجوده
22- أعترف إني  مقصره مع اهلي لانهم مشافوناش (بسبب الغربه)  منذ 5 سنوات وبقولهم غصب عنى وان شاء الله ربنا يأذن لنا بميعاد
23- أعترف إني  بحب بيتي جدا" جدا" لدرجة إني ممكن اقصر مع نفسي من أجله
24- أعترف إني  رومانسيه وبحب الهدوء والخضره والجمال وأعلم ان الخضره موجوده فى الأرياف لاكنى اتمنى من الله ان تعم كل أرجاء حياتنا

وختاما" سيدي القاضي حضارات المستشارين أتمنى من الله عز وجل أن تنظروا إلي بعين الرحمة قبل ان تنطقوا بحكمكم على وإن كان حكمكم على مذنبه في اي من أعترافاتى أعينونى على الصواب

 وجزاكم الله عنى كل خير 

تقبلوا تحياتي لكم جميعا" وتهنئتي 

بعيد الأضحي المبارك أعاده الله علي الجميع بالخير واليمن والبركات